Me ser at fleire og fleire kundar vel å slå av straumen i periodar der ein ikkje brukar hytta, rorbua eller naustet. Fleire vel då å bruke hovudsikringen til å slå av straumen med. Straummålaren vil då slutte å sende inn målarstand til oss i Bømlo Kraftnett. På grunn av at me hentar inn målarstand frå målaren er det viktig at denne har straum. Om målaren mistar straumen vil me ikkje få avlesingar frå målaren, og kunde vil få stipulert eit forbruk sjølv om anlegget ikkje er i bruk.

Dette kan unngås om kunden ikkje brukar hovudsikring, men i staden brukar den oransje knappen på målaren, eller eventuelt berre brukar kurssikringane til å slå av straumen med.