Premissar for gåver frå nettutbyggingsfond
Premissar for gåver frå nettutbyggingsfondet:
Vedtatt av årsmøtet i Finnås Kraftlag SA i sak 14/25
Bakgrunn og målsetting
Bakgrunnen for å opprette eit nettutbyggingsfond er eit ynskje om at næringslivet i Bømlo kommune (Bømlo Kraftnett AS sitt konsesjonsområde) skal ha akseptable og konkurransedyktige kostnadar ved etablering av næring som treng forsterka straumnett. Fondet skal og vera med på å hindre at tariffane for resterande kundar i konsesjonsområdet blir urimeleg høge som følgje av nødvendige nettinnvesteringar. Fondet skal kunne vera med å dekke kostnadar til etablering av ny elektrisk infrastruktur som kan gi grunnlag for etablering av nye arbeidsplassar til glede for allmenta og samfunnet på Bømlo. Det er eit krav at utdelingane kan reknast som allmennyttige.
§1 Føremål
Infrastrukturfondet til Finnås Kraftlag SA (føretaket) er oppretta med føremål om å bidra til finansiering av nettutbyggingsprosjekt som er til nytte for allmenta, samfunnet eller lokalmiljøet i Bømlo kraftnett sitt konsesjonsområde.
§2 Midlar i fondet
1. Midlane i infrastrukturfondet består av overføringar frå føretaket sitt årsoverskot, eller eventuelt andre midlar som blir overførte eller donerte til fondet. 2. Midlane i fondet skal forvaltast ansvarleg og i samsvar med gjeldande samvirkelov, føretaket sine vedtekter og desse retningslinjene. §3 Bruk av fondsmidlar 1. Fondsmidlar kan berre nyttast til føremål som er i tråd med fondet sitt føremål som beskrive i §1.
2. Fondet kan gje gåver eller tilskot til prosjekt eller tiltak som treng ny eller forsterka elektrisk infrastruktur, og som er til gagn for ålmenta, samfunnet eller lokalmiljøet.
3. Fondet kan krevje at mottakar av gåva må betale tilbake deler av gåvebeløpet. Dette gjeld i dei tilfella der nye brukarar av nettet, må betale sin part av tidlegare betalt anleggsbidrag tilbake til mottakar av gåva.
4. Fondsmidlar kan ikkje nyttast til å dekke utgifter relatert direkte til einskilde medlemmar av kraftlaget eller til personar eller organisasjonar som har private særinteresser og der prosjektet ikkje kan karakteriserast som allmennyttig.
5. Styret i FKSA skal gi tilråding til årsmøtet basert på ei grundig vurdering av søknaden og etterleving av fondet sitt føremål. Avgjerd om tildeling av gåver eller tilskot skal takast av årsmøtet i Finnås kraftlag SA.
§4 Endring av retningslinjer
Endringar i desse retningslinjene kan berre gjerast av årsmøtet og i tråd med samvirkelova sine føresegner.
§5 Oppløysing
Om årsmøtet fattar vedtak om oppløysing av fondet, skal midlane i fondet tilbakeførast til Finnås Kraftlag SA